ਹਾਇਕੂ- ਡਿੰਪਲ ਅਰੋੜਾ- ਇੰਡੀਆ

ਸਿਆਲ ਦੀ ਧੁੱਪ
ਗੁਲਾਬੀ ਫੁੱਲਾਂ ਚ ਬੈਠ
ਮੀਚੀਆਂ ਅੱਖਾਂ
---

ਸਰਦ ਮੌਸਮ
ਗੁਲਾਬ ਦੀਆਂ ਪੱਤੀਆਂ ਤੇ ਚਮਕਣ
ਸੂਰਜ ਦੀਆਂ ਕਿਰਣਾਂ
---

ਛਾਵੇਂ ਸੁੱਤਾ
ਫੁੱਲ ਮੋਤੀਆ
ਮਾਰ ਜਗਾਇਆ
---

ਫੁੱਲਾਂ ਦਾ ਹਾਰ
ਮਾਂ ਦੇ ਗਲ ਨੂੰ ਪਾਈ
ਪੁੱਤ ਨੇ ਗਲਵਕੜੀ
--

ਸੁੱਕੀ ਟਾਹਣੀ
ਪੁੰਨਿਆ ਦੇ ਚੰਨ ਹੇਠ ਬੈਠਾ
ਇੱਕ ਚਕੋਰ
---

ਸਵੇਰ
ਗੁਲਾਬ ਦੇ ਫੁੱਲ ‘ਤੇ ਚਮਕੇ
ਤ੍ਰੇਲ-ਤੁਪਕੇ
---

ਚਿੱਠੀ ਉਸਦੀ
ਹਥ ਵਿਚ ਮਹਿਕੇ
ਖਿੜਿਆ ਗੁਲਾਬ
---

ਸਵੇਰ ਦੀ ਧੁੱਪ
ਓਹਦੇ ਚਿਹਰੇ ਤੇ ਚਮਕੇ
ਗੁਲਾਬ ਹੋਰ ਟਹਿਕੇ
---

ਬਗੀਚੇ ਵਿਚ
ਹਰੇ ਪੱਤਿਆਂ ਦੇ ਵਿਚ
ਗੁਲਾਬ ਦਾ ਫੁੱਲ
--

ਜ਼ੁਲਫ ਖੁੱਲ੍ਹੀ
ਚੰਨ ਨੂੰ ਢਕ ਗਿਆ
ਉਡਦਾ ਬੱਦਲ